Sinossi delle fonti » Elenco delle immagini » p. 48



est ex prima materia eidemque proxima forma. Hoc Chaos
implere sentit spacium, quod est sub diffusum, cuius
proximae partes sunt 4. elementa pura, quasi rami in
stipite nondum e stipite prodeuntes, unde postea quat-
tuor sensibiles rami, haec scilicet quattuor, quae sensum
afficiunt, elementa prodeunt. Horum considerando essen-
tiam, esse, differentias, species, virtutes, actus et circum-
stantias, de centro circuli praedicationum, non mediocrem
habebimus materiam contemplandi.

De nono subiecto. K.

Nonum subiectum, quod est Instrumentativum, duplex
est, naturale videlicet et morale. Primum complectitur no-
vem accidentium genera, ut reliqua omnia entia praeter
octo praedicta (quae sunt in genere substantiae) com-
prehendantur. Instrumentale ergo subiectum sunt quanti-
tas, qualitas, relatio et reliqua, cum suis speciebus, diffe-
rentiis et propriis et communitatibus, de quibus partim
logicus, partim metaphysicus. Quod quidem subiectum, licet
omnium sit infimum, habet tamen excellentiam, qua omnia
modo suo metiri valet; primum enim etiam subiectum habet
suam magnitudinem, numerum quem faciat, activitatem,
passionem quam inferat, locum supra locum, tempus supra
tempus, habere supra habere, et caetera, saltem translative
sumpta. Secundum amplectitur omnia quae sunt infra la-
titudinem iuris naturalis, quod est commune omni animan-
tium generi, excludens inanimata; iuris gentium, quod est