Cicchus Esculanus » Livius » Lucretius » Schenckelius » De umbris idearum [IT] p. 27



INTENTIO UNDECIMA. L.

Considera, mundum istum corporeum partibus eius
omnino similibus existentibus, formosum esse non po-
tuisse. In variorum ergo connexione, partium pulchri-
tudo manifestatur: et in ipsa varietate totius pulchri-
tudo consistit. Hinc rei umbratilis visio est visionum
imperfectissima: quia quod imago cum varietate de-
monstrat: umbra quod est infra extrinsecae figurae
terminos ut plurimum etiam ementitos, quasi sine va-
rietate profert. De umbra dixerim quatenus umbra est:
non autem quá talis quam in proposito recipimus.

INTENTIO XII. M.

Verum Anaxagoricum Chaos est sine ordine varie-
tas. Sicut igitur in ipsa rerum varietate admirabilem
concernimus ordinem. Qui supraemorum cum infimis,
et infimorum cum supremis connexionem faciens:
in pulcherrimam unius magni animalis (quale est
mundus) faciem, universas facit conspirare partes.
Cum tantum ordinem tanta diversitas: et tantam di-
versitatem tantus ordo requirat. Nullus enim ordo ubi
nulla diversitas extat reperitur. Unde primum princi-
pium nec ordinatum, nec in ordine licet intelligere.

INTENTIO XIII. N.

Certé si quemadmodum indissolubilis concordia fi-
nes primorum connectit principiis secundorum; et cal-