Averroes » Liber XXIV philosophorum » Peletier » De umbris idearum [IT] p. 53


Singularium ideas ponunt Theologi, quia et quan-
tum ad materiam et quantum ad formam attinet, to-
talem causam asserunt esse Deum. Et nos in propo-
sito singularium ideas volumus, quia sumimus ideati
rationem secundum universalem figurati, et appre-
hensi similitudinem: sive illa sit ante rem, sive in re,
sive res, sive post rem: atque ita sive in sensu, sive
in intellectu, et hoc sive practico, sive speculativo.

CONCEPTUS XXX.

Ideas minus communes in ideis communioribus ge-
neratas quidam collocant, ac tandem omnium idearum
genera in ipso ente primo, quod summum intelligibile
vocant, uniunt. Tu umbras idearum minus communes
in communioribus: et subiecta earum extrinseca mi-
nus communia, in comunioribus collocare memento.