Velius Longus » De umbris idearum [St] p. 65



ARS MEMORIAE

<PRIMA PARS>

I

Tunc artem sub umbra idearum degere arbitramur, cum aut tor-
pentem naturam antecedendo sollicitat, aut deviam et exorbitantem
dirigit et perducit, aut deficientem lassamque roborat atque fulcit, aut
errantem corrigit, aut perfectam sequitur, et industriam emulatur.

II

Est quidem huiuscemodi ars rerum prosequendarum in genere
discursiva architectura, et habitus quidam ratiocinantis animae, ab eo
quod est mundi vitae principio, ad omnium atque singulorum se expor-
rigens vitae principium. Nulli de potentiis ipsius tanquam ramo inni-
xus, neque de peculiari quadam emergens facultate, sed ipsum totius
stipitem utpote ipsam animae totius incolens essentiam.