Cicero » De umbris idearum [St] p. 7



iudici sobrio

Est fluvius in Phrygia dictus Gallus
De quo si bibas modicum,
Medetur malis corporis.

Si absorpseris insobrie, t'absorbebit
Adusque ut agas animum,
Non bibiturus iterum.

Sic etiam literae sophiae parum tactae,
Civilem ad vitam conferunt
Et condelectant plurimum.

Si nimium t'ingurgitas, te turbabunt,
Inqu'insaniam t'adigent,
Precipitemve gloriam.

Cum fueris igitur hactenus factus prudens,
Ne tantum damnum incurreres,
Magistrorum suffragio

Tantummodo sophiam placuit pitissare,
Tantum labris attingere,
Et naribus olfacere.