Riccioli » De umbris idearum [St] p. 29



eorum vestigia, imagines, simulachra, et umbras excursus, tum versus
materiam ut in eius sinu producantur, tum versus sensum, atque
rationem ut per eorum facultatem dinoscantur.

Intentio sexta. F

Umbra in materia seu natura, in naturalibus ipsis, in sensu interno
atque externo, ut in motu et alteratione consistit. In intellectu vero,
intellectumque consequente memoria est ut in statu.
Ideo sapiens ille viraginem supranaturalem et suprasensualem qua-
si notitiam consequtam, sub illius primi veri bonique desiderabilis
umbra sedentem inducit. Quae sessio seu status quia in naturaliter
degentibus non multum perseverat - mox enim atque statim sensus
isti nos insiliunt atque deturbant, ipsique nostri duces phantasmata nos
circumveniendo seducunt -, sessio illa potius praeterito absoluto vel
inchoato, quam praesenti tempore designatur. Dicit enim: "sub umbra
sedi", vel sedebam.

Intentio septima. G

Cum vero in rebus omnibus ordo sit atque connexio, ut inferiora
mediis et media superioribus succedant corporibus, composita simplici-
bus, simplicia simplicioribus uniantur, materialia spiritualibus, spiri-