Averroes » Liber XXIV philosophorum » Peletier » De lampade venatoria [TV] p. 37



unam ad aliam reducere tentans, diminuere tentat et castra-
re. Ita enim horum plura in paucioribus contineri dixerim,
ut alius quispiam in capite vel pectore vel busto caetera
hominis membra credat contineri.

V. MEMBRUM.

Sumendarum igitur differentiarum potestas ad inven-
tionis divitias confert plurimum, quam sane facultatem
exercitio sumendi differentiam rerum maxime similium cap-
tari testatur , quod tribus asserit effici posse mo-
dis. Primo cum sumuntur rerum, quae sub uno propinquo
genere continentur, differentiae; secundo cum capiuntur
eae quae in uno sunt remotiore genere; tertio cum eae
quae remotissimis utpote supremis continentur, si res
illas contingat esse similes. Primo fiet, ut respiciendo for-
titudinem et iustitiam, quorum cum genus proximum sit
virtus, fortitudo quidem est circa formidanda, iustitia vero
circa conversationes; secundo, ut ubi hinc prudentia se-
cundum potentiam intellectivam, temperantia secundum
facultatem appetitivam distantius universale commune re-
spiciunt; tertio, ut ubi respicimus hinc quidem sensum in
praedicamento relationis, inde vero scientiam in praedica-
mento qualitatis. Magna tamen inter haec similitudo per-
cipitur, inquit . Sed forte intelligit pro similitu-
dine proportionem; proportio enim vere est, quia sicut se
habet sensus ad sensibile, ita scientia ad scibile seu intel-
lectus ad intelligibile, nusquam tamen sensus similis est
scientiae neque intellectui.